Prezantimi i aktivitetit

“Klasa e hetimit” është një lojë që u mundëson të rinjve pjesëmarrës të kuptojnë procesin e prodhimit të informacionit.

Konkretisht, bëhet fjalë për një hetim gazetaresk gjithëpërfshirës ku të rinjtë vendosen në rolin e gazetarëve.

Objektivat :

  • Të kuptojnë bazat e profesionit të gazetarit si dhe rreptësinë që gazetarët profesionistë duhet të tregojnë për të siguruar vlefshmërinë e informacionit që përcjellin.
  • Të ndërgjegjësohen për rëndësinë e mendimit kritik kur përballen me një informacion.
  • Të jenë të aftë të kryejnë më lehtë verifikimin e burimeve, pasi kanë realizuar një pjesë të punës së gazetarit në këtë fushë.

Në fund, të rinjtë mësohen ta ndërmarrin këtë qasje, e cila shumë shpejt bëhet një refleks. Kjo i mbron ata nga rënia në grackën e dezinformimit.

Përveçse nxit frymën e ekipit, shënimet, aftësinë për të sintetizuar dhe prezantimin me gojë, ky ushtrim thekson punën e përzgjedhjes që bëjnë gazetarët profesionistë përpara se të shpërndajnë një informacion.

Zhvillimi i aktivitetit

Ky hetim gazetaresk gjithëpërfshirës zhvillohet në disa etapa :

  1. Për dy orë, të rinjtë mbledhin dëshmi dhe dokumente
  2. Këto dëshmi dhe dokumente janë përgatitur ose regjistruar më parë nga trajneri dhe “bashkëpunëtorët” (anëtarë të ekipit pedagogjik, mësues, anëtarë të shoqatës…)
  3. Dëshmitë dhe dokumentet trajtojnë të gjitha të njëjtin ngjarje (p.sh.: zhdukja misterioze e dy lioneshave në një kopsht zoologjik) por vijnë nga burime të ndryshme (p.sh.: përgjegjësja e kopshtit zoologjik, pronarja e kafenesë përballë kopshtit…)
  4. Të rinjtë krahasojnë këto dokumente për të tentuar të kuptojnë zhvillimin e fakteve, pastaj pyesin dëshmitarët (drejtpërdrejt ose me mesazhe elektronike)
  5. Më pas ata realizojnë një reportazh në kohë reale ku secili i ri luan rolin e gazetarit ndërkohë që një tjetër e filmon, falë një smartphone ose një kamere.
  6. Më vonë është e mundur të shpërndahen videot në platformën e zgjedhur për të sensibilizuar të rinj të tjerë mbi këto problematika (dhe për t’u dhënë të rinjve mundësinë të gjykojnë cilësinë e performancës së tyre !)

Konteksti Ballkanik

Për këtë aktivitet, referojuni fletës tematike “Media të pavarura” në të cilën shpjegohet konteksti botëror ku vendet e Ballkanit janë gjithnjë e më shpesh dëshmitarë të përhapjes së lajmeve të rreme.