Prezantimi i aktivitetit

Reja e fjalëve është një ushtrim bashkëpunues ku të rinjtë ftohen, duke filluar nga fjala “media” e shkruar në tabelë, të shpalosin njohuritë e tyre për botën mediatike dhe t’i ndajnë ato së bashku.

Ky ushtrim u mundëson pjesëmarrësve të prezantojnë aktorët kryesorë të mediave ballkanike në mënyrë të qartë dhe të organizuar duke theksuar dallimet e tyre.

Ky ushtrim është gjithashtu një rast për kujdestarët të vëzhgojnë praktikën mediatike të publikut të synuar (çfarë lloj mediash përdorin ata? ku informohen?) dhe kështu të drejtojnë zhvillimin e punëtorisë në përputhje me praktikat dhe mendimet e tyre. Kërkohet të saktësohen ose të argumentohen përgjigjet ose t’i inkurajojnë ata të japin mendimet e tyre për të thelluar disa tema.

Zhvillimi i aktivitetit

  1. Shkruani fjalën «media» në një mbështetje vizuale dhe shënoni emrat e mediave ose (mbështetjeve mediatike: (televizion, radio, shtyp i shkruar, rrjete sociale) që u vijnë në mendje pjesëmarrësve.
  2. Shpërndani mediat e propozuara nga pjesëmarrësit sipas llojeve të mbështetjes.
  3. Dalloni mediat private nga mediat publike.
  4. Dalloni mediat tradicionale nga mediat sociale: shumica e pjesëmarrësve përdorin shpesh rrjetet sociale (Instagram/SnapChat/Facebook), qoftë për të konsultuar informacion me dëshirë ose thjesht për të kaluar kohë në këto rrjete. Kështu, gjatë këtij ushtrimi, do të shtrohet pyetja për vendin e rrjeteve sociale në peizazhin mediatik, ose spontanisht nga pjesëmarrësit ose nga kujdestari pedagogjik. Kjo do të jetë një mundësi për të prezantuar temat e masifikimit të informacionit në internet dhe manipulimin e mundshëm të informacionit që rrjetet sociale mund të transmetojnë. Përveç kësaj, duhet të kujtohet se një rrjet social nuk ka asnjë redaksi, asnjë gazetar – ne të gjithë jemi prodhues dhe shpërndarës të informacionit pa qenë domosdoshmërisht profesionistë. Prandaj është e nevojshme të inkurajohet kujdesi pasi kushdo mund të shprehet në këto rrjete.

Konteksti ballkanik

Për këtë aktivitet, referojuni fletës tematike “Mediet e Pavarura” në seksionin “informohu” të faqes sonë pedagogjike (LINK). Mësuesi ka kështu në dispozicion mediat kryesore të referencës që strukturojnë peizazhin mediatik të Ballkanit.